تعرف على هذا الرجل هو الدجال القرآنى

تجده عادة ما يلبس لباس أبيض ناصع الجمال وذقنه تكاد تكون تغطى صدره يقصده كل جاهل بالدين ظنا منهم أن الشفاء يأتى على يديه نعم انه هو الدجال بالقرآن وليس المعالج بالقرآن فهى مهنة مربحه وأرباحها لا تأتى إلا من السذج وأصحاب النفوس الضعيفه وبعد أن كانوا يتكسبون من اخراج الجن صارت لهم مكاسب اخرى من طرق ابتدعوها كجلب الحبيب ورد المطلقه وتيسير الرزق والزواج ونصب ما أنزل الله به من سلطان 

وقد يقول البعض بأنه لا يتفق معى فهناك أشخاص ملتزمون ويخرجون الجان فقط من الانسان واقول لهم اى جان تقصدون هل لهم القدره الخارقه على مخاطبة الجان واخراجه طييييييييب يا سيدى ما رايك فى ان سيدنا سليمان دعا وقال ( رب هب لى ملكا لا ينبغى لأحد من بعدى ) واحد تانى هيقول لا دا قدرته عليهم بالقرآن هقوله طيييييييب يا سيدى برضه يعنى هى مش حكر بقى على حد انه يعالج بالقرآن يعنى اى حد يقرأ القرآن يستطيع اخراج الجان  لسه هقولك كمان 

لما الجان شاطر كدا وبيتدخل فى حياة الانسان مفيش ولا جان مسلم وموحد بالله زعل على اللى بيحصل للمسلمين فى شتى بقاع الارض وقال هروح اخلصهم من القتل وسفك الدماء ليه مش برضه هو جان مؤمن وطالما مسلم ومؤمن يبقى اتفرض عليه الجهاد فى سبيل الله طييييييب كمان خد دى ليه ربنا فى غزوة بدر أمد المسلمين بالملائكه ولم يمدهم بالجان اللى هو اسلم 

طيييييب كمان هو الدجال دا مش بيقوله يا تخرج يا أحرقك بالقران يعنى معنى كدا انه قادر انه يحرق الجان يا سلااااااااااااااااااااام يا حلااااااااااوه طيب ليه لما بيحرق الجان اهل الجن اللى اتحرق دا ما ياخدوش بتارهم منه هتقولى عشان محصن بالقرآن يروحوا يا عم لابنه يروحوا لمراته يروحوا لابوه يروحوا لامه يروحوا لاخوه ولا هما كمان محصنين بالقرآن 

يا ريت نفهم اننا بيتلعب بعقولنا باسم الدين 

عم حزومبل 

Tags : مقالات مختارة

شارك المقاله على :

Significado de los Sueños